He khawvel hmawr tawh takah hian natna mak pui pui a piang mek zel a. Chutih laiin, a tihdamna lam pawhin hma a sawn chho ve zel bawk a. Hmansang Grik leh China-ho huna damdawi/natna tihdam dan khan hma sawn zelin, tunlai science thiamna hmang tangkaiin Homoeopathi hi a lo chhuak chho ta a.

Natna tihdamna'na khawvelin a hmelhriat tawh zinga tha ber - Homeopathy lo chhuah dan hi tlem i lo thlir teh ang.(Hmasang damdawi tel loin).

Antipathi
Antipathi hi 'Father of Medicine', Hippocrates-a duanchhuah niin, kum B.C. zabi 3-na val atangin a lo lar chho tan a, kum zabi 15-na thleng vel kha chuan tha bera ngaih a niin, an lo hmang tawh thin a ni.

Isopathi
Isopathi hi vety doc., W. Lux-a duanchhuah niin, natna tihdamna atan chuan a hmaa mite ai chuan tha tawk tak niin, damdawi khawvelah hmasawnna ropui tak a lo thlen tawh a ni.

Allopathi
Allopathi hi a rem rem fawmkhawm atanga natna tihdamna a ni a, duangchhuaktu bik pawh awm lo a ni. Tunlai kan hman tlanglawn ber hi a ni.

Homiopathi
Homiopathi hi German doc., Dr. Christian Fredrick Samuel Hahnemann-a'n kum 1796 vel laia a duanchhuah kha niin, natna tihdamna'na khawvelin a hmelhriat tawh zinga tha ber a la ni rih a ni.

Homeopathy chu sawifiah tawh i la.

Homiopathi chu natna tihdamna khawvelin a hmelhriat tawh zinga tha ber, natna thlentu anpui damdawi hmanga natna tihdamna hi a ni.

Homio hi kan tan chuan thil thar a la ni mai thei a, a la thar fu bawk reng a; chuvangin a hmaa mite that lohna han sawi i la, kan hrefiah awl ber awm e.

Antipathi kha  a tha em em tho nain, natna tak tak tihdamna'n a tlak loh a, chuvangin, tunlaiah chuan first aid velah kan hmang mai mai tawh a ni.

Isopathi hi tunlaiah chuan invenlawkna/vaccine atang kan hmang tawh bawk. A tha em em tho nain, natna zawng zawng tihdamna'n a tlak loh a ni.

Allopathi hi tunlaia MBBS, BDS, Pharm., etc. te'na natna tihdamna'na an hman mek hi a ni a. Kawngkal fel tak nei a ni lo a, a changin antipathi dan an zawm a, a changin isopathi an zawm a, a changin an zawm ve ve a, an zawm lo ve ve bawk a. Mumal nei lotaka kal chho a ni. An damdawi hman ber chu natna thlentu nia an hriat(e.g., bacteria, virus, etc.) do let chi a ni.

Homioapthi erawh chuan kalhmang fel tak a nei a. Hei hi science thiamte pawhin an pawmna chhan leh tah a dawl zawhna a ni. Mihring taksa lang thei thununtu, nunna kalkawng, HNUK hi awm ngeiin an ring a ni.

Homoeopathy is the lastest and refined mode of treating patients economically and non-violently. Government must encourage and patronise in our country.

Ziaktu:- Lalchhuansanga Pachuau, 1^st Yr. BHMS